Лидерот во Западната конференција Јута џез немаше милост за Орландо меџик и го декласира со 137:91. „Џезерите“ беа фантастични во првото полувреме во кои поставија нов НБА рекорд по бројот на постигнати тројки. Тие во првите две четвртини постигнаа дури 18 тројки. На крајот најдобар беше Донован Мичел со 22 поени.

Далас маверикс со 109:87 го совлада Вашингтон, а вообичаено најдобар беше Лука Дончиќ со 26 поени и осум скокови. Кај Вашингтон кој настапи без својот најдобар стрелец, се искатка Расел Вестбрук со 26 поени и 14 скокови.

Мајами хит со 115:191 беше подобар од Кливленд, додека Филаделфија ја совлада Минесота со 122:113. Во победничкиот тим по повредата се врати Џоел Ембид кој за 28 минути на паркетот постигна 24 поени и имаше осум скокови. На спротивната страна, Карл-Ентони Таунс имаше одлична вечер со 39 поени и 14 скокови но немаше голема помош од соиграчите.

Резултати:
Вашингтон – Далас 87:109
Детроит – Њујорк 81:125
Мајами – Кливленд 115:101
Филаделфија – Минесота 122:113
Сан Антонио – Индијана 133:139
Јута – Орландо 137:91
Портланд – Оклахома сити 133:85
Сакраменто – Милвоки 128:129