ВИДЕО | Настинатиот Бајден ги загрижи Американците: Добро сум, секој ден се тестирам за ковид
Американскиот претседател Џо Бајден денеска изјави дека неговиот многу рапав глас е „последица на настинка“, откако стапил во контакт со неговиот настинат внук и додаде дека секој ден се тестира за ковид-19, пренесува Ројтерс.
Денеска со рапав глас и со неколку кашлици Бајден одржа говор за економијата, што го поттикна новинарот да го праша за неговото здравје.
„Добро сум. Секој ден се тестирам за ковид. Ова го добив од мојот внук на една и пол година кој сака да му дава бакнежи на дедо. Настинка е само“, додаде тој.
Joe Biden is asked why he sounds so sick:
"I have a 1 & 1/2-year-old grandson who has a cold who likes to kiss his pop. He'd be kissing my, anyway…But it’s just a cold." pic.twitter.com/rZPbYNBBAc
— Townhall.com (@townhallcom) December 3, 2021
Американскиот претседател минатиот викенд го помина со семејството, кога САД го славеше Денот на благодарноста.
Пред две недели беше на систематски, лекарот вели дека е во добра здравствена состојба
Здравјето на Џо Бајден, со оглед на тоа што тој е најстариот претседател некогаш избран во САД (79), привлекува посебно внимание.
Пред две недели тој беше подложен на систематски преглед, чии резултати ги објави Белата куќа, а неговиот лекар заклучи дека тој е во „добро здравје“.
Соединетите Држави стравуваат од зголемување на случаите со ковид-19 со доаѓањето на зимата и ширењето на новата варијанта, омикрон.