ВИДЕО | Насов: Фотоволтаиците се многу корисни, интерес имаат и граѓаните и државата
Актуелната економска и енергетска криза во светот и кај уште повеќе го наметна прашањето за изнаоѓање и алтернативни и обновливи извори на енергија и ублажување на недостатокот на енергенси кои пак важат и за големи загадувачи на животната средина.
– „Интерсолар“ е најголемиот настан во светот за соларна енергија и јас сум присутен повеќе од 20 години. Работам на проекти на соларна енергија со десеттина најголеми Институти во Европа, изјави во Утрински брифинг Проф. Д-р Илија Насов. –
Тој објасни дека „АЕ Солар“ е германски бред со кој заедно ги презентираат производите.
– Секако дека соларната енергија почнува да има голем интерес и ние како асоцијација оваа проблематика ја дискутираме. Со донесувањето на Законот за енергетика, каде што се донесоа 4 киловати инсталирана снага на крововите и 20 киловати на фирмите, јас говорев – а зошто да не биде повеќе? Причина за тоа беше што секако инсталирањето на фотоволтаици на земјишта има повеќе потенцијални проблеми, вели д-р Насов.
Според него потребна полиберална администривна постапка.
– Фотоволтаиците се многу корисни, корисниците имаат личен интерес, но и државата. Таа прозведена енергија нема ниту царина, ниту ДДВ и е македонски производ, но тука најважно е каде се троши таа енергија. Статистички најмногу енергија трошат зградите, но и најмногу загадуваат со ПМ10 честитчки и ЦО2, ако сами ја произведуваат тогаш нема и да загадуваат. Во Европа и во светот постои концептот на „Nearly zero energy buildings“, но не е доволно фотоволтаиците да бидат само на кровот туку и на јужната фасада и да произведуваат електрична, топлинска и енергија за ладење и тоа е можно, вели д-р Насов.