ВИДЕО: Наполи останува перфектен во Серија А, асистенција на Елмас за победа
Екипата на Наполи и по осмото коло останува со перфектен скор во Серија А, има осум победи во осум натпревари. Последна жртва на Наполи е екипата на Торино која е совладана со минимални 1:0.
Херој на наполитанците е Виктор Осимен кој го постигна единствениот гол на стадионот „Диего Армандо Марадона“ во Неапол, додека вистински трагичар можеше да биде Лоренцо Инсиње.
Инсиње во 27 минута не реализира пенал, и ова е трет пат сезонава да не погоди од белата точка.
Но, за Наполи да остане со максимален учинок се погрижи Осимен со голот во 81 минута и тоа на асистенција на македонскиот репрезентативец Елиф Елмас кој влезе во игра на местото на Инсиње.
Со победата Наполи остана лидер на табелата во Серија А со 24 бода, додека Милан е второпласиран со два бода помалку.