ВИДЕО: Наполи и Елмас го растурија Удинезе
Екипата на Наполи продолжува со одличните игри на стартот од новата сезона во Серија А и во четвртото коло ја оствари и четвртата победа и се лидери на табелата. Последна жртва на Наполи и Елиф Елмас е екипата на Удинезе која е совладана со убедливи 0:4.
Гол серијата, наполитанците ја отворија во 24 минута преку Виктор Осимен.
Потоа на сцена стапи Калиду Кулубали кој прво во 35 минута му асистираше на Рахмани, а потоа и самиот во 52. Минута се запиша во листата на стрелците.
Конечниот резултат го постави Ирвин Лозано во финишот од натпреварот.
Македонскиот репрезентативец Елиф Елмас ги одигра сите 90 минути за Наполи, додека Илија Несторовски поради повреда не беше во комбинација за настап кај Удинезе.
Видео на денот