ВИДЕО: Напаѓач бодеше луѓе со нож на метро-станица во Брисел
На метро-станицата „Шуман“ во бриселскиот кварт во кој се наоѓаат седиштата на европските институции, вечерва човек вооружен со нож нападнал и повредил неколкумина патници. Еден од ранетите има тешки повреди. На социјалните мрежи се појавија снимки на кои се гледа како полицајците, но и минувачи, се обидуваат да го совладаат.
Knife attack on the Brussels metro.
1 stabed, a lot of panick, slow police respons.#brussels #schuman #metro #knife #attack pic.twitter.com/7bbUE71asX— Zoran Popovici (@zoran_popovici) January 30, 2023
Thank you to congratulate @policefederale in #Brussels for their swift respond to a knife attack at #Schuman I wish a speedy recovery to those injured #Solidarity @BelgiumMFA 🇻🇪🇧🇪
pic.twitter.com/LDCMllhW8e— Nelson Dordelly Rosales, Ph.D/LL.D (@nelsondordelly) January 30, 2023
Полицијата брзо успеала да го уапси насилникот, а снимен е и моментот кога тој им се предава на полицајците.
Footage of a Knife attack at the metro station in Schuman Square, where the European Union institutions are located in Brussels #BREAKING #brussels #belgium #Europe #USA #EU #knifeattack pic.twitter.com/kWjmxGfhSV
— REPORT WAR (@troy_dalio) January 30, 2023
Новинар на француската агенција АФП извести дека околу 18 часот неколкумина полицајци во цивилна облека истрчале кон перонот на станицата Шуман, која е оддалечена само неколку десетици метри од зградата на Европската комисија и Европскиот парламент.
Човекот извадил нож додека бил во вагон од метрото, по што почнал да трча низ станицата, обидувајќи се да избоде и расече други патници кои се нашле на местото. Еден млад човек е тешко повреден, а двајца други патници имаат полесни расекотини. На местото пристигнале бројни полицајци и две возила на итната помош.
Напаѓачот не бил на списокот за следење на Единицата за координација за анализа на закани, која ги следи терористичките активности во Белгија и не им е познат на надлежните служби, па веројатно може да се исклучи терористички мотив за нападот, пишуваат медиумите, додавајќи дека врз основа на неговото однесување, се шпекулира дека тој имал психолошки проблеми.
Станицата во моментов е затворена по наредба на полицијата, а метрото е во прекин, соопшти бриселското јавно сообраќајно претпријатие СТИБ.
