ВИДЕО: Најмалку 19 повредени на протестот по повод Денот на жената во Мексико Сити
Петнаесет полицајци и четворица цивили се повредени за време на демонстрациите на Меѓународниот ден на жената во Мексико Сити, соопшти Министерството за јавна безбедност, додека илјадници жени протестираа против родовото насилство низ целата земја, јави ДПА.
Феминистичките групи вчера излегоа на улиците во Мексико за да побараат запирање на убиствата и злоупотребите врз жени, во земјата во која секој ден се убиваат околу 10 жени, додаде германската агенција.
#8M2021 In the “Zócalo” activists manage to tear down one of the metal fences overlooking the National Palace; inside the police elements fight with the smoke of fire extinguishers.
Video by: Tania Rosas. https://t.co/PAbdkyHNkd— read ? (@pjmeows) March 8, 2021
Демонстрантите носеа фотографии од убиени жени и транспаренти со паролите „Мексико убиец на жени” и „Тие не ме убија, но јас живеам во страв”.
Во Мексико Сити, демонстрантите тргнаа кон Националната палата, седиштето на федералната извршна власт, која претходно беше оградена, како и триесетина историски споменици околу главниот град, пренесува ДПА.
Претседателот Андрес Мануел Лопез Обрадор ја оправда оградата како начин да се избегне насилството за време на протестите, додека феминистичките групи ја опишаа како „ѕид на срамот”.
Police are pounding female protesters with tear gas in the Zocalo of the #CDMX. Their eyes are burning and many are having difficulties breathing. Some are coughing & vomiting. #8M https://t.co/16K8lc7DPT
— Voices in Movement (@VIM_Media) March 9, 2021
-Го сакаме животот, сакаме мир, рече Лопез Обрадор, левичарски националист, кој ги обвини конзервативците кои се спротивставуваат на неговата влада за инфилтрирање на маршевите.
Групи активистки урнаа дел од оградите околу Националниот дворец, а полицијата притоа употреби солзавец за да ги растера.
Повеќе од 2.000 невооружени жени полицајки беа распоредени во зачувување на редот за време на демонстрациите.
-Постојат многу начини на мирен протест, вклучително и користењето на вашиот глас, па дури и навредување, но не фрлање бомби, употреба на чекани, не палење на работите, рече претседателот претходно на неговата утринска прес-конференција.
Слични протести вчера беа организирани и во други земји од регионот.
