ВИДЕО: Надал во „гладијаторска“ борба поразен во Лондон!
Австрискиот тенисер Доминик Тим славеше против Рафаел Надал со 2:0 (7:6, 7:6) во второто коло од групната фаза на Завршниот Мастерс во Лондон, после два часа и 27 минути игра.
Првиот сет помина без брејкови и решен во тај-брејк кој му припадна на Тим со резултат 9:7, а од тие 16 поени дури 11 освоија играчи кои примаа сервис. Вториот сет почна на ист начин, без брејкови до 3:3, а потоа Надал му одзеде сервис на Тим и поведе со 4:3.
Но, следуваше експресен рибрејк на Австриецот, кој потоа го освои и наредниот гем, а потоа на сервис на Шпанецот имаше и три врзани меч топки.
Is it Thiem's time in London? ⏰
What a breathtaking performance from @ThiemDomi! ?
?: @TennisTV | #NittoATPFinalspic.twitter.com/BlH0rrhcbu
— ATP Tour (@atptour) November 17, 2020
Надал успеа да се извлече од опасноста иако беше во негатива од 0:40, направи пресврт и дуелот повторно отиде во тај-брејк. Одново австрискиот натпреварувач беше подобар овојпат со резултат 7:4 за поставување на конечниот епилог.
Овој пораз може скапо да го чини Надал кој во случај на пораз во третото коло од Стефанос Циципас би можел да испадне уште во групната фаза, но пред тоа Гркот вечерва мора да го совлада Андреј Рубљов.