Шпанскиот тенисер покажа високо ниво на игра и заслужено дојде на два чекори од трофејот на Завршниот мастерс годинава.

Рафаел Надал се пласираше во полуфиналето на АТП турнирот во Лондон совладувајќи го во директна борба шампионот од минатата година Стефанос Циципас од Грција со 2:1 (6:4, 4:6, 6:2).

Make that 6️⃣ #NittoATPFinals semi-finals for Rafa! ?

?: @TennisTV | @RafaelNadal pic.twitter.com/AaTmTijmh4

— ATP Tour (@atptour) November 19, 2020

Гркот ја заврши сезоната со само една освоена титула во Марсеј непосредно пред прекинот на тениските натпреварувања поради пандемијата на коронавирусот.

Надал никогаш не го освоил овој турнир, а групната фаза не ја поминал од 2015 година. За учество во големото финале Рафа ќе ги одмери силите против Русинот Данил Медведев.

В петок ќе се дознае и втората полуфинална пресметка, подобриот од мечот Новак Ѓоковиќ и Александар Зверев ќе игра против Доминик Тим.

ВИДЕО: Рубљов во голем стил ја заврши успешната сезона!