Шпанскиот тенисер Рафаел Надал во првото коло од групата „Лондон 2020“ на Завршниот мастерс полесно од очекувањата го совлада Андреј Рубљов од Русија со резултат 2:0 во сетови 6:3 и 6:4 за еден час и 17 минути игра.

Рафа на првиот сервис освои 80 отсто од поените, на вториот одлични 83 отсто (5/6), а на Русинот не му дозволи ни една брејк топка.

Овие двајца тенисери претходно се сретнаа и во четвртфиналето на „УС Опен“ во 2017 година кога Шпанецот исто така беше убедлив со 6:1, 6:2 и 6:2.

A statement win for @RafaelNadal ?

Next up: Dominic Thiem

?: @TennisTV | #NittoATPFinals | #ATPTourpic.twitter.com/nIV1omJe1b

— ATP Tour (@atptour) November 15, 2020

Надал во второто коло ќе игра против Доминик Тим кој на стартот беше подобар од ланскиот шампион Стефанос Циципас.

В понеделник (16 ноември) ќе започнат и мечевите од групата „Токио 1970“, првиот светски рекет Новак Ѓоковиќ ќе ги одмери силите со Диего Шварцман од 15.00 часот, а Данил Медведев за противник го има Александар Зверев (21.00 часот).