На вештачкиот остров Палм Џумеира во Дубаи, вечерва е отворена Палм Фонтана која го презеде приматот од Дубаи фонтаната, со години беше најголема во светот, и влезе во Гинисовата книга на рекорди.

Низ целодневна забава, натпреварувања, танцови претстави, огномет и ди-џеј сетови, Дубаи покажа дека туризмот, и во време на пандемија на ковид-19, му е на прво место. На спектаклот по повод пуштање во употреба на новата, најголема, фонтана во светот присуствуваа неколку илјади луѓе кои, сепак, ги почитуваа епидемиолошките мерки и препораки.

Set to become the world’s largest fountain stretched across 14,000 sq ft of water, The Pointe’s newest attraction, The Palm Fountain is a magical display of lights, rhythm and water. Who would you take with you to experience it? Ready when you are…#VisitDubai. pic.twitter.com/A7kcul8811

— Visit Dubai IN (@VisitDubai_IN) October 22, 2020

Новата водена атракција се простира на површина од 14.000 квадратни метри, централниот дел на Палм фонтаната оди до 105 метри и го следат повеќе од 3.000 ЛЕД сијалички. Во фонтаната се наоѓа морска вода што циркулира директно од Персискиот залив, без потреба од резервоар или опрема за нејзино филтрирање. Палм фонтаната има и аудио систем со високи перформанси и 86 звучници од двете страни.

Палм фонтаната ќе има 20 емисии со пет различни претстави што секојдневно ќе се прикажуваат од 19 часот, кога заоѓа сонцето, до полноќ додека водените перформанси ќе бидат следени од популарни песни од арапскиот свет, но и глобални хитови. Секоја емисија ќе биде со времетраење од три минути и ќе се изведува на секои 30 минути.