ВИДЕО: На Солскјер не му гине отказ, Вотфорд го понижи Јунајтед
Времето на Оле Гунар Солскјер на клупата на Манчестер јунајтед се ближи кон крајот откако „црвените ѓаволи“ денеска го доживеаја четвртиот пораз во последните пет натпревари во Премиер лигата.
Овој пат Јунајтед е декласиран на гостувањето кај Вотфорд со 4:1, а поразот можеше да биде поубедлив доколку на голот не беше Давид де Хеа кој одбрани два пенали (еден беше повторен) и имаше уште неколку одлични интервенции.
Де Хеа во 11 минута одбрани два пенали на домашниот тим (еден беше повторен), за во 28 минута Кинг да го отвори резултати. До крајот на првиот дел, Вотфорд со голот на Сар поведе со 2:0. Надеж за Јунајтед донесе Дони ван де Бек во 50 минута, но поцрвениот картон на Хари Мегваер во 69 минута стана јасно дека „црвените ѓаволи“ немаат шанса за пресврт. На крајот, Јунајтед не само што не се спаси од пораз, туку прими уште два гола од Педро и Денис за убедлив пораз од 4:1.
Стивен Џерард со победа дебитираше на клупата на Астон Вила. Тимот од Бирмингем со 2:0 го совлада Брајтон и тоа со голови постигнати во финишот од натпреварот. Првиот гол беше дело на Воткинс во 83 минута, а конечниот резултат го постави Мингс во 88 минута.
Резултати:
Лестер – Челси 0:3
Астон Вила – Брајтон 2:0
Барнли – Кристал Палас 3:3
Њукасл – Брентфорд 3:3
Норич – Саутемптон 2:1
Вотфорд – Манчестер јун. 4:1
Вулверхемптон – Вест Хем 1:0