„Inside out“ е партиципативна платформа создаена во 2011 година од францускиот уметник JR, преку која со групна акција се испраќа одредена порака во општеството. Со прикажувањето на црно белите портрети поставени еден до друг, вкупно 134 поддржувачи на нашата идеја со наслов „Нека светлината од уметникот се одрази врз целaта заедница“.

Целта беше да потсетиме за важноста на културата, за влијанието кое го има во општеството, за поттикнување на промени, прогресивен напредок итн“, вели Марија Коробар, една од иницијаторките на проектот.

„Не станува збор за тоа дали потенцијалите на култура не се доволно искористени, ние имаме култура, но таа се обраќа на малубројна публика. Нам ни беше важно да го свртиме вниманието на јавноста и успеавме да го направиме тоа. Сметаме дека работите во културата се многу институционализирани, а немаме ниту сериозна независна сцена, или пак уметниците функционираат благодарение на европски проекти. Но на уметниците им е потребно да се ослободат, бидејќи ние не можеме да правиме уметност со 500 или 1000 евра. Еден пример за тоа како да се прошири полето на финансирање е конечно да почне да функционира законот за донации и спонзорство, кој сега се применува само во спортот. Каде се културата и образованието? Покрај здравството, тие се стожер на едно општество, тие се прогресот на едно општество“, вели за Утрински брифинг, Весела Моловска, иницијаторка на акцијата.

Тие кажаа дека подготвуваат повеќегодишна програма во која најголем акцент ставаат на итноста и неопходноста за поддршка на уметниците и за нивно поголемо вклучување во општеството.

„На пример, украсувањето на плоштадот наместо да им се дава на фирми, мислам дека поинтересно би им било на граѓаните да се вклучат уметниците, како шт тоа функционира во светот“, додава Коробар.

Повеќе од разговорот погледнете на видеото.