7 C
Скопје

ВИДЕО | МКЦ беше и остана единствена институција која се занимава со производство и дистрибуција на култура

„Драг МКЦ“ е насловен специјалниот повик на Младински културен центар (МКЦ) до пошироката јавност, соработниците и сите поединци кои имаат некаква приказна поврзана со институцијата да ја раскажат во вид на писмо. Акцијата е поврзана со јубилејниот, 50. роденден на МКЦ, што ќе се одбележува во 2022, кога покрај мноштво планирани настани, ќе се издаде и монографија во која ќе се најдат и дел од овие раскажани приказни.
Писмата може да се испраќаат во текот на цела 2021 година на поштенската адреса на МКЦ, по електронски пат, да се достават лично до МКЦ или, пак, преку неговите профили на социјалните мрежи. Приказните може да бидат лични или туѓи, анонимни или потпишани, во кој било формат што испраќачот смета дека е соодветен за прераскажување.
Прочитајте и...  Сопругот на Камала Харис е прв Втор господин во историјата на САД
Преку оваа активност, ЈУ Младински културен центар како институција од областа на културата, која неминовно во овие половина век од своето основање има оставено траен белег во развојот на културата во државата, смета дека својот печат и влијание не потекнува единствено од својата работа и културно дејствување, туку и од колективната меморија на сите оние што биле дел од нејзиното делување. Токму овие спомени се единствените вредни да останат запаметени и запишани, токму онака како што публиката го доживувала МКЦ низ текот на годините. „Драг МКЦ“ е активност која на интимен, вистински начин ќе ја раскаже приказната за МКЦ, за која очекуваме масовен одзив од јавноста.
-Мојата активност и присуство ме тера да се чувствувам како домашен во МКЦ. Културата нема старост. Како млад ентузијаст ме интересираше што се случува кај оние што активно се занимаваа со културата. Единствената институција беше и ѐ која дефакто се занимава со култура во текот на целата година. Тоа е еден мултимедијален центар на кој што со радост се сеќавам, изјави во Утрински брифинг Влатко Галевски. Младински културен центар е основан во 1972 година под името „Дом на млади – 25 Мај“. Основната задача и цел на МКЦ е промоција на културата, културните и научните вредности на младите. Со богата програма, опфат на сите културни изрази (музика, филм, театар, литература…), научна дејност, работилници и предавања, дебати и дебатни клубови, МКЦ од самиот почеток зазема стратешки битна позиција во животот на младите во градот Скопје, но и во целата република.
Прочитајте и...  Царовска: Реформите се сукцесивни и ниту еден наставник нема да остане без работа
Преименуван во Младински културен центар на почетокот на 90-тите, со добивањето на самостојност на Република Северна Македонија, Домот останува на истиот курс – промоција и презентација на културните вредности, но истовремено и најважната точка за дружење, размена на идеи, место за слободно изразување на младите. Целиот разговор со Влатко Галевски погледнете го во видеото:

Поврзани вести

Николовски: После 19 години создадени се нормативни услови да се реализира попис

Слободен печат

Средба на министерот Спасовски со директорот на Агенцијата за примена на јазикот

Слободен печат

Грција очекува дополнително зајакнување на грчко-американските односи со новата администрација на САД

Слободен печат

Африка погодена од втор посмртоносен бран на ковид-19

И.И.

Блерим Беџети: Не е вистина дека на местото на езерце Треска ќе се гради болница или трговски центар

ВИДЕО+ФОТО I Ужас во Охајо: Студентка остана смачкана во гаража во чудна несреќа

И.И.

Остави Коментар