ВИДЕО: Мируваа мрежите на Челси и Манчестер јунајтед!
Денеска во дербито на 26 коло во Премиер лигата на стадионот „Стемфорд Бриџ“ во Лондон немаше голови на натпреварот Челси-Манчестер јунајтед (0:0). Реми кое повеќе не им одговара на „црвените ѓаволи“ кои сега 12 бода се оддалечени од водечкиот Манчестер сити.
Составот на Оле Гунар Солскјер имаше подобри шанси во текот на првото полувреме, Рашфорд се закани, но Менди беше подготвен за неговиот удар. Една контроверзна ситуација видовме во 14 минута, главниот судија преку ВАР го проверуваше спорниот момент, и на крајот беше донесена одлука дека Хадсон Одои не играше со рака во својот шеснаесетник.
Вториот дел беше уште подинамичен, Зијеш во 49 минута беше во можност да реализира, но не успеа да ја затресе мрежата на Де Геа. Јунајтед повторно се закани преку Рашфорд, а се обиде и МекТоминеј, но во последен момент одбрани Менди. Фред исто така беше во шанса да постигне гол во 68 минута, пет минути подоцна одличен шут имаше Ковачиќ, но и Де Геа блескаше на спротивната страна.
Опасна шанса беше видена во 83 минута кога Џејмс испрати одлична топка кон Вернер, но Линделоф реагираше пред Германецот. Фред одново се обиде, но на крајот мрежите на двете страни останаа незатресени.
Претходно во оваа рунда се одигра и мечот Тотенхем-Барнли (4:0), во овој триумф Бејл двапати се запиша во листата на стрелците, а по еднаш Кејн и Лукас.