ВИДЕО: Мирчевски стрелец, ТСЦ Бачка Топола во трка за Европа
Екипата на ТСЦ Бачка Топола оствари важен триумф во борбата за една од позициите кои водат на европската сцена.
Во најсилниот српски шампионат триумфираше ТСЦ со резултат 2:0 против составот на Напредак.
Македонскиот интернациоалец Мартин Мирчевски го постигна првиот гол на тимот во 57 минута за 1:0, а само 120 секунди подоцна предноста ја зголеми Бањац.
Тоа е трет гол за нашиот играч во 11 настап сезонава, претходно беше стрелец на два погодоци против Чукарички.
ТСЦ е на шестата позиција со 48 бодови, исто толку има и и четвртопласираниот Вождовац, а четвртата позиција обезбедува место во квалификациите за Лигата на конференции.
Во следното коло ривал на Мирчевски ќе биде Раднички Ниш, моментно петтопласиран со 48 бодови.