Екипата на Борусија Дортмунд по два порази по ред, конечно победи во Бундеслигата. „Милионерите“ со 3:1 го совладаа Аугсбург иако почетокот на натпреварот не ветуваше.

Гостите поведоа уште во 10. минута преку Хан, а Ерлинг Халанд во 21. минута не го реализира пеналот за Борусија. Сепак, пет минути подоцна Дилејни израмни на 1:1,а Џејдон Санчо во 63. минута донесе пресврт. Победата беше заверена со автоголот на Удокаи.
Актуелниот шампион Баерн Минхен со 4:1 го совлада Хофенхајм и ја зголеми предноста на табелата на 10 бода пред Лајпциг кого го очекува дерби пресметка со Баер Леверкузен.

Гол серијата ја отвори Боатенг во 32. минута, а во финишот на првиот дел паднаа уште два гола, прво Милер зголеми на 2:0, а Крамариќ го постигна единствениот гол за гостите.
Во второто полувреме, баварците постигнаа уште два гола преку Левандовски и Гнабри.
Сигурен настап на домашен терен имаше и Ајнтрахт кој со пресврт ја совлада Херта со 3:1.
Гостите од Берлин поведоа преку Пјатек во 66. минута, но домашниот тим со двата гола на Силва и на Хинтерегер дојде до победа и три бода со кои се искачи на третото место на табелата.

Резултати:
Баерн – Хофенхајм 4:1
Борусија Д. – Аугсбург 3:1
Ајнтрахт – Херта 3:1
Унион Берлин – Борусија М. 1:1
Вердер – Шалке 1:1