ВИДЕО: Милан ја заборави „Старата дама“, шампионски амбиции на „Сан Сиро“!
Денеска во рамките од 17 коло во најсилната италијанска Серија А Милан ја оправда фаворитската улога против Торино (2:0).
После првиот пораз сезонава минатото коло од актуелниот шампион Јувентус (1:3), Милан им се врати на победите и повторно фокусиран на главната цел, освојување на Скудетото.
На својот стадион „Сан Сиро“ во Милано играчите на тренерот Пиоли дојдоа до победата во првото полувреме со погодоците на Леао и Кесје од пенал.
We return immediately to winning ways ❤️?
Torniamo alla vittoria. Dai Milan! ?#MilanTorino #SempreMilan@emirates pic.twitter.com/HLj8mBrAzH
— AC Milan (@acmilan) January 9, 2021
Вреди да се истакне и моментот дека на теренот се врати и Златан Ибрахимовиќ, Швеѓанецот не играше во претходниот период поради повреда.
На табелата „росонерите“ се на првата позиција со 40 бодови, додека „биковите“ остануваат во опасната зона за испаѓање од лигата, на претпоследното 19 место со 12 бодови.
Да додадеме уште дека Џенова беше подобра од Болоња (2:0), македонскиот репрезентативец Горан Пандев повторно не беше во домашниот состав поради повреда, а Аталанта со 1:4 го совлада Беневенто.