ВИДЕО: Мила Кунис е зависничка од хероин во новиот филм „Four Good Days“

Фото: Промо

Холивудската актерка Мила Кунис целосно се промени за новата улога и подготвено го покажа својот талент во претстојниот филм „Four Good Days“, чиј трејлер штотуку е објавен.

Поранешната ѕвезда на „Весели седумдесети“, ќе ја игра Моли, млада жена која се бори со зависноста од хероин и која ја моли својата мајка, Деб, да и помогне. Деб ќе ја игра познатата Глен Клоус, која неодамна по осми пат беше номинирана за Оскар. Во филмот мајката и ќерката ќе ги преживеат четирите најтешки денови од својот живот.

Кунис, која главно игра во комедии, е непрепознатлива во трејлерот за оваа драма. Косата и е избледена со долги црни израстоци, а лицето и е пропаднато и прекриено со акни.

„Ќе ти го кажам ова во бројки, Моли. Зависниците од опоиди и се враќаат на дрогата во 97 проценти од случаите“, вели докторот во овој трејлер пред Моли и нејзината мајка.

 

View this post on Instagram

 

A post shared by Four Good Days (@fourgooddays)


Докторот понатака вели како Моли, која и сама има мали деца, пробала да ја остави дрогата 15 пати досега. Тој и нуди на Моли лек кој ќе ја спречи да почувствува задоволство кога ќе земе хероин.

„Дали тоа е безбедно“, прашува Моли.

„Се шегуваш? Дали твоето тело одеднаш стана храм“, саркастично и одговара Деб.

Со цел да биде соодветен кандидат за земање на лекот, Моли мора да биде чиста во наредните четири дена, а тоа воопшто не е лесно.

Филмот „Four Good Days“ е базиран на вистинската приказна на Ели Саслоу, добитничка на Пулицер. Саслоу е една од сценаристите на филмот.

Овој филм во кината ќе се најде на 30 април.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот