Фудбалерите на Интер Мајами загубија од Атланта јунајтед во третиот натпревар од плеј-оф серијата на МЛС лигата со 3:2.

По два последователни порази, Интер беше елиминиран од плеј-офот за МЛС и остана без шанси за титулата.

Домаќините поведоа во 17 минута преку Матиас Рохас, но Атланта возврати и за четири минути направи целосен пресврт.

Џамал ​​Тијаре најпрвин израмни во 19 минута, а потоа две минути подоцна уште еднаш го совлада голманот на Интер и го доведе својот тим до сензација.

Првата ѕвезда на Интер, Лионел Меси, во 65 минута му даде надеж на Интер Мајами, кој израмни на 2:2, но 11 минути подоцна сонот за продолжување на натпреварувањето стана недостижен.

Атланта јунајтед го постигна третиот гол во 76 минута, а Бартос Слиш погоди по асистенцијата на Педро Амадор.