ВИДЕО: Меси го престигна Роналдо по бројот на голови од слободни удари
Аргентина ја совлада Јамајка со 3:0 на вчерашниот пријателски натпревар во Њу Џерси, а два гола постигна најдобриот стрелец во историјата на „гаучосите“, Лионел Меси. Во 89 минута по 59 пат во кариерата прецизно стрелаше од слободен удар.
Така, тој го престигна својот долгогодишен ривал Кристијано Роналдо кој постигна 58 голови од слободен удар за клубовите и репрезентацијата.
Португалецот беше познат како далеку подобар изведувач на слободни удари во раните денови на нивното ривалство, но во последниве години неговиот квалитет на паузи значително се намали, додека на Меси се зголеми.
Бројките за вкупните голови од слободни удари варираат што се однесуваат околу играчите од минатото, но повеќето рангирања го ставаат легендарниот Жунињо на врвот на вечната листа, кој според некои извори постигнал 77 голови од слободен удар во својата кариера. Пред Меси и Роналдо се имиња како Дејвид Бекам, Диего Марадона, Роналдињо, Пеле и Роналд Куман.
Меси со головите против Јамајка стигна до бројката од 90 гола за репрезентацијата, што значи дека пред него се само Али Даеи со 109 и Кристијано Роналдо со 117 гола. Севкупно, Меси моментално е на бројката од 779 голови, кои ги постигна на 987 настапи. Кристијано Роналдо постигна 816 голови во 1132 настапи.
🎯⚽️ Leo Messi edges ahead in free kick goals once again after scoring his 9th in Argentina colours!
All Free Kicks
🥇 Messi: 59
🥈 Ronaldo: 58International Free Kicks
🥇 Ronaldo: 10
🥈 Messi: 9 pic.twitter.com/mi5q27anAo— MessivsRonaldo.app (@mvsrapp) September 28, 2022
⚽️🇦🇷 EL GOLAZO DE TIRO LIBRE DE MESSI PARA ARGENTINA 3-0 JAMAICA 🙌pic.twitter.com/bF0b9vN2px
— Futbol Argentino Noticias (@FanArgentino) September 28, 2022