ВИДЕО | Меѓу загинатите на фестивалот „Астроворлд“ е и 14-годишно дете
За време на концертот на раперот Тревис Скот, којшто во петокот се одржа во рамки на фестивалот „Астроворлд“ во Хјустон, во американската сојузна држава Тексас, се случи стампедо во кое животот го загубија осум лица, а 25 лица се повредени.
Според изјавата на градоначалникот на Хјустон, најмладиот меѓу повредените е 10-годишно дете. Како што дознаваме денеска, најмладиот загинат посетител на концертот е дете на само 14 години, објави SkyNews.
Шефот на полицијата во Хјустон вели дека сѐ уште не се знае што точно предизвикало вакво стампедо, дека инспекторите работат на случајот. Тој додава дека има гласини дека некој во дел од толпата инјектирал одредена психоактивна супстанца и дека тоа допрва ќе се утврдува.
Најлошиот дел од инцидентот се случил околу 21.15 часот по локално време, кога околу 50 000 луѓе се упатиле на бината, вели шефот на локалните пожарникари, Самуел Пена. Присутните тврдат дека било застрашувачко, и дека сѐ се случило многу брзо.
BREAKING: A 14-year-old was among eight killed at Travis Scott’s festival performance, Houston Mayor Sylvester Turner has confirmed.
Mr Turner added that a “very, very active investigation” was taking place and could go on for “quite some time”.https://t.co/l1FJepJ2cq pic.twitter.com/APAqn5spfc
— Sky News (@SkyNews) November 6, 2021