9 C
Скопје

ВИДЕО | Маричиќ: Со или без ЕУ, мора да продолжиме со реформи во правосудството

И покрај големиот напор и направени бројни реформи, штета е што Северна Македонија е блокирана од страна на соседна Бугарија за отпочнување на преговорите со ЕУ, вели во Утрински брифинг, министерот за правда, Бојан Маричиќ. Во разговорот, меѓу другото, тој се осврнува и на законските решенија на кои работи министерството со кое раководи во моментов, а и за надминување на блокадите на буџетот на Обвинителството.
„Штета што денес општиот совет на ЕУ нема да донесе одлука за усвојување на преговарачката рамка. Ние сме целосно подготвени, сторивме се, но за жал Бугарија наметна историски теми пред отворање на преговорите. Ние треба со крената глава да го пречекаме овој момент и не можеме да преговараме за работи за кои никаде во светот не се преговара. Иако направивме се, жално е што сега не ги отпочнуваме преговорите“, вели Маричиќ, надополнувајќи дека Македонија мора да продолжи по патот на реформите, бидејќи како што дополнува тој, „желбата да се има држава каде владее правото е голема и без ЕУ“.
Осврнувајќи се на блокираните сметки во Обвинителство од страна на извршители, а по барање на обвинителите, како би си ги наплатиле додатоците на плата кои им следуваат по закон, Маричиќ потенцира дека буџетите на Обвинителство и судството се независни:
Прочитајте и...  Заев: Не смееме да дозволиме да испратиме порака дека за нас постои алтернативно решение, освен полноправното членство во ЕУ
„Буџетот на Обвинителството и на Судството е посебен и самите управуваат со него. Меѓутоа не е првпат да има ваква ситуација, но нема да биде првпат ни Владата да подаде рака за решение. На располагање сме на Обвинителството како да излеземе од оваа ситуација, но има две стратешки работи кои сакаме да ги направиме: етапно зголемување на обвинителскиот и судскиот буџет од наредната година, со цел да се достигне законски утврдениот процент за нивно финансирање и да се обезбеди целосна независност, да не мора да бараат никакви одобрувања или согласност од Министерството за финансии или други институции, но тоа повикува на одговорност“, одговара министерот за правда.
Во поглед на актуелните вработувања кај обвинителството (70) и судството (100), Маричиќ изјави дека сите објавени вработувања биле веќе одобрени и се реализираат, а најголем дел од вработените ќе им помагаат на обвинителите и судиите за да им ја олеснат работата  и поефикасно да ги завршуваат процесите.
Прочитајте и...  УХМР за водостои на реките и езерата: Преспанско на 842 метра, Охридското на 693 метри, Вардар над просекот за јануари на сите четири мерни места
Тој во Утрински брифинг рече дека Министерството за правда има 15-на закони кои сака да ги усвои до крајот на годината, сите дел од стратегијата за реформи во правосудството.
„Дел од тие закони се веќе во Собранието како што е тој за попис. Текстот е готов и зависи сега од пратениците како ќе го изменаџираат. Заводот за статистика е подготвен за тој закон да се спроведе. Наредната година на почетокот би требало да ги подготвуваме законот за воена и вонредна состојба, законот за помилување и други закони. Имаме солиден текст на Законот за парнична постапка, работиме на негово корегирање и тој е во поодмината фаза. Работиме и на Кривичниот закон“, потенцира министерот Маричиќ. Во поглед на иницијативата на пратеникот Павле Трајанов за Закон за преиспитување факти и докази користени во судска постапка, Маричиќ смета дека треба да се разговара дали е потребен нов закон, дали треба да се интервенира во постоечки закон или со корекција на праксата.
Прочитајте и...  Израел постави рекорд вакцинирајќи 224 илјади луѓе за еден ден
„Јас сум отворен да разговараме на оваа тема. Многу е важно да не предизвикаме лавина на ревизии на судски пресуди затоа што тоа може да биде опасно по нашиот систем меѓутоа таму каде што е направена малверзација, тоа треба да се преиспита до крај“, изјави Маричиќ.

Поврзани вести

ЕК: Инсистираме на стабилност во испораките на вакцините на АстраЗенека

Слободен печат

Опаѓа бројот на новозаразени со Ковид-19, но остануваат апелите за почитување на мерките за заштита

Слободен печат

Се врати во сила Законот за акцизи, бензините и дизелот поевтини за два денара

Слободен печат

За згрижувачките семејства мајка, за биолошките маќеа!?

Времето денеска облачно и врнежливо

Слободен печат

Новата зграда на ЕЛЕМ ќе остари додека добие употребна дозвола

Весна Дамчевска

Остави Коментар