Актуелните шампиони, фудбалерите на Манчестер сити на домашен терен ја забележаа првата победа сезонава во Премиер лигата, над Норич со резултат 5:0.

Во листата на стрелците на „Етихад“ се запишаа пет различни играчи, што е додатна причина за задоволство кај шпанскиот менаџер на „граѓаните“, Пеп Гвардиола.

Првиот гол беше виден уште во седмата минута, поточно автогол, кога дефанзивецот на гостите Крул го матираше својот голман.

Во 22 минута, Џек Грилиш го постигна првиот гол во дресот на Сити, по асистенцијата на Габриел Жезус. Предноста се зголеми во 64 минута, овојпат стрелец беше Ајмерик Лапорт, после една мешаница и корнер.

Рахим Стерлинг настапи во второто полувреме, а 10 минути подоцна од неговото влегување, по новото додавање од Жезус, реализираше погодок. Конечниот епилог го постави Ријад Марез во 84 минута.

Во другите денешни средби: Астон Вила – Њукасл 2:0, Кристал Палас – Брентфорд 0:0 и Лидс – Евертон 2:2. Во некомплетното второ коло моментно води Ливерпул со шест бодови, а по четири имаат Евертон и Брентфорд.

ВИДЕО: Повторно грмат навивачите на „Енфилд“, Ливерпул рутински со Барнли