ВИДЕО: Македонските фудбалери одиграа само реми против Финска во Скопје
Вечерва македонската А репрезентација играше нерешено со резултат 1:1 на контролниот натпревар против Финска на Националната арена „Тодор Проески“ – Скопје.
Нашите најдобри фудбалери повеќе ја имаа топката во своите нозе, а противникот воглавно се закануваше преку контра нападите. А преку една таква контра во 37 минута Финците успеаја да дојдат до предност преку Антман по асистенцијата на Похјанпало.
Избраниците на селекторот Благоја Милевски со сите сили напаѓаше за да израмни и тоа се случи во 75 минута со прецизен удар од белата точка.
Oliver Antman gives Finland the lead against North Macedonia.pic.twitter.com/CnAwJUZsEm
— H/F (@hfworld_) November 17, 2022
Enis Bardhi penaltıdan attı.
— Hasan Yılmaz (@hasanyilmaz29) November 17, 2022
Претходно играчот на Фенербахче Алиоски беше фаулиран во казнетиот простор на гостите, а сигурен пеналџија беше Барди.
Нашиот голман Димитриевски забележа неколку одлични интервенции, а имаше среќа пред финишот на средбата кога Томас ја погоди стативата.
Пријателски натпревар
Скопје, Национална арена „Тодор Проески“
Македонија – Финска 1:1
Македонија: Димитриевски, Алиоски, Серафимов, Муслиу (Велковски 59`), Бејтулаи (Дориев 46`), Барди, Елмас (Елези 87`), Спировски (Миовски 46`), Николов (Етеми 59`), Ристовски, Несторовски (Атанасов 59`).
За три дена следува нов тест за избраниците на Милевски, во главниот град на 20 ноември ќе го пречекаат Азербејџан со почеток од 14.00 часот на Арената „Тодор Проески“.