ВИДЕО: Македонец во Топ 10 на ФИБА, Симиќ помеѓу кошаркарите кои блескаа во ноември
Македонската кошаркарска сениорска репрезентација со два порази ги стартуваше квалификациите за пласман на Светскиот куп во 2023 година. Во Скопје загубивме од Шпанија со 65:94, а три дена подоцна во Киев подобра беше и селекцијата на Украина.
На дуелот во СЦ „Јане Сандански“ блескаше нашата кошаркарска надеж, 17-годишниот Теодор Симиќ (210 см.) кој беше прв стрелец воопшто на тој меч со 18 поени (75% прецизност) за 16 минути на паркетот.
Таквата одлична партија против актуелниот светски шампион го смести меѓу Топ 10 млади перспективни играчи или „Ѕвезди во подем“ кои се истакнаа во ноемвриските европски квалификации според Светската кошаркарска федерација (ФИБА).
Покрај Симиќ (Македонија) кој е најмлад на оваа листа, во изборот се најдоа уште Филип Петрушев (Србија), Александер Балцеровски (Полска), Микаел Јантунен (Финска), Роко Пркачин (Хрватска), Јам Мадар (Израел), Јустус Холац (Германија), Кеј ван дер Вуурст Де Врис (Холандија), Кенан Кемањас (Босна и Херцеговина) и Емил Стоилов (Бугарија).
We picked out 🔟 young guns who impressed us most during this #FIBAWC European Qualifiers window! 😎
Who would be your number 1️⃣? 🤔 #WinForAll
— FIBA Basketball World Cup (@FIBAWC) December 3, 2021
Симиќ со Барса во Патра ќе брка место за евролигашкиот Фајнал-фор –
Симиќ кој воедно ги брани боите на Барселона ќе ја стартува новата евролигашка авантура во Патра, каде наредната сезона ќе се игра еден од четирите квалификациски турнири во јуниорска конкуренција. Во 20. по ред издание ќе разигруваат вкупно 28. клубови и кошаркарски академии од 13 различни држави кои ќе бараат пласман на завршниот турнир во Германија.
Првиот турнир ќе се игра токму во Германија, но во Минхен од 21. до 23. јануари. Наредниот, би се рекло, традиционално, ќе биде во Белград (25.-27. февруари).
Третиот, на кој ќе играат Симиќ и Барса, ќе се игра во грчката Патра од 25. до 27. март, а последниот во Варезе (од 1. до 3.април).
Новитет е дека на сите четири турнири ќе има еден специјално креиран тим „Next generation Team“ составен од играчи кои не влегле во еден од оние осум тимови присутни на турнирите. Првопласираните екипи од овие турнири ќе обезбедат билет за пат кон Берлин, каде на 29. мај ќе го дознаеме новиот јуниорски шампион во Евролигата.
