ВИДЕО: Мајами во финалето на Истокот, Дончиќ обезбеди „мајсторка“

Лука Дончиќ беше прв стрелец против Феникс санс/ фото: EPA-EFE/JOHN G. MABANGLO

Кошаркарите на Мајами се пласираа во финалето на плеј-офот на Источната конференција во НБА лигата, откако во шестиот натпревар ја совладаа Филаделфија со 99:90 и славеа во серијата со 4:2.

„Жешките“ беа предводени од Џими Батлер со 32 поени, осум скокови, четири асистенции и две блокади, додека во редовите на Сиксерси прв стрелец беше Џоел Ембид со 20 поени и 12 скокови.

Мајами во финалето на Истокот ќе игра против победникот од дуелот Милвоки – Бостон, во чија серија моментно водат Бакси со 3:2.

Во полуфиналето на Западот, играчите на Далас израмнија на 3:3 против против Феникс во шестиот натпревар.

Најзаслужен за триумфот на Маверикси беше Лука Дончиќ со 33 поени, 11 скокови, осум асистенции и четири украдени топки.

А кај Санси доминираше Деандре Ејтон со 21 поени и 11 скокови. Во второто полуфинале на Западната конференција, Голден стејт води со 3:2 против Мемфис.

НБА плеј-оф, резултати –

Филаделфија сиксерс – Мајами хитс 90:99 (2:4)
Далас маверикс – Феникс санс 113:86 (3:3)

Видео на денот