ВИДЕО: Мајами им се реваншира на Лејкерс за поразот во големото финале
Во римејкот од големото НБА финале од минатата сезона, славеше Мајами хит со 96:94 против шампионот ЛА Лејкерс кој настапи без Ентони Дејвис и Денис Шрудер.
Кендрик Нан со 27 поени беше најпрецизен на натпреварот, а одлична помош имаше во Џими Батлер кој постигна 24 поени.
Во редовите на шампионот, Кајл Кузма постигна 23 поени, додека Леброн Џемс имаше 19 поени и по 9 скокови и асистенции, но не можеше да направи ништо за неговиот тим да го доживее третиот пораз во последните четири натпревари со што „езерцата“ паднаа на третото место во Западната конференција.
Крис Пол во победата на неговиот Феникс од 128:97 над Мемфис, успеа да го помине големиот Оскар Робертсон на вечната луста на најдобри асистенти во историјата на НБА.
Пол во победата на Феникс учествуваше со шест асистенции со кои дојде до 9.891 и го помина Робертсон на шестото место на најдобри асистенти. Далеку напред и недостижен е Џон Стоктон со 15.806 асистенции.
Резултати:
Шарлот – Голден Стејт 102:100
ЛА Лејкерс – Мајами 94:96
Чикаго – Сакраменто 122:114
Мемфис – Феникс 97:128
Портланд – Вашингтон 111:118