ВИДЕО: Луксембург не издржа, Белгија броеше до осум, а Холанѓаните до седум!
Репрезентацијата на Хрватска после поразот на стартот од квалификациите за СП од Словенија, ги консолидираше своите редови и запиша две победи во наредните два натпревари.
По триумфот над Кипар, овојпат на домашен терен „коцкестите“ во рамките од квалификациската група „Х“ на стадионот во Риека со 3:0 славеа против Малта. Стрелци на головите беа Перишиќ во 62, Модриќ од пенал во 76 минута и Брекало (90`).
Во истата група Словаците приредија изненадување со победата од 2:1 над Русија која претходно запиша шест бода.
Холандија, еден од нашите ривал на ЕП, ја оправда фаворитската улога на гостувањето кај Гибралтар (0:7). Депај двапати се запиша во листата на стрелците за „лалињата“, а по еднаш Бергуис, де Јонг, Вајналдум, Мален и ван де Бек.
Во групата „Г“ Турција одигра само реми со Летонија (3:3), иако водеа со 2:0 и 3:1, додека Црна Гора загуби со 0:1 од Норвешка.
Португалија во групата „А“ дојде до втората победа откако со 1:3 славеше над Луксембург. Изненадувачки домаќинот водеше со 1:0 од 30 минута, но пресвртот го направија Жота, Роналдо и Палиња.
Во групата „Е“ Белгија ја декласираше Белорусија (8:0), а Велс со погодокот на Џејмс освои три важни бодови против Чешка. На табелата води Белгија со седум бодови, пред Чесите (четири), по три имаат Велс и Белорусија, а последна е Естонија (0).
ВИДЕО: Србија успешна на патот кон СП, Митровиќ е херојот во Баку!