ВИДЕО: Лукаку го води Интер кон Скудетото!
Фудбалерите на Интер ја совладаа Болоња како гости со 0:1 во последниот натпревар од 29 коло во Серија А.
Единствениот гол на натпреварот го постигна Ромелу Лукаку на стадионот „Ренато Дал`Ара“. Белгиецот од вториот обид успеа да го совлада Равалја, кој го одбрани првиот удар. Во продолжение, на Белгиецот не му беше тешко да ја смести топката во мрежата.
Со овој триумф „неро-аѕурите“ уште еднаш ги искористија грешките на најголемите ривали, Милан и Јувентус и со тоа се доближија уште повеќе до титулата.
Тие имаат 12 бода повеќе од „Старата дама“, осум повеќе од нивниот градски ривал, но и еден натпревар помалку.
Јуве одигра само реми во градското дерби против Торино (2:2), за „биковите“ двата гола беа дело на Санабриа, а на спротивната страна стрелаа Киеза и Роналдо.
ВИДЕО: Елмас асистираше за триумф на Наполи, без минутажа за Несторовски!