ВИДЕО: Лука Дончиќ како Џордан и Леброн, 53 поени во победата над Детроит
Словенечкиот репрезентативец Лука Дончиќ блескаше во победата на Далас над Детроит од 111:105 во рамките од НБА лигата.
Дончиќ пред неколку дена за време на мечот против Феникс се здоби со повреда на зглобот, а најпрво се чинеше дека извесно време нема да го видиме на теренот. Но, тој успеа да се опорави и да се врати во голем стил.
Феноменалниот ас на Далас одигра меч од соништата. За 36 минути игра постигна дури 53 поени (17/24 шут од поле, 5/11 за тројки), забележа осум скока и пет асистенции. Покрај Дончиќ, единствен со двоцифрен учинок во победничкиот тим беше Динвиди со 12 поени.
Во поразениот тим се истакна Хрватот Бојан Богдановиќ со 29 поени, додека Садик Беј постигна 18.
Ова беше четврти натпревар во сезоната каде Лука постигна 50+ поени. Исто така, словенечкиот репрезентативец сега има пет натпревари од 50+ во НБА кариерата. Само Леброн Џејмс и Мајкл Џордан успеаја да постигнат ваков учинок во првите пет сезони од нивната НБА кариера.