ВИДЕО: Љубовта не познава бариери, младиот Фуркан играше фудбал со Јаховиќ!
Македонскиот интернационалец кој моментно ги брани боите на турскиот клуб Анталијаспор, Адис Јаховиќ се дружеше со еден негов голем фан со Даунов синдром, Фуркан Тез, на Меѓународниот ден на лицата со посебни потреби.
На Тренинг центарот „Атила Вехби“, нашиот поранешен репрезентативец и Фуркан истрчаа на теренот и заедно играа фудбал.
Позираа, се прегрнаа, а Фуркан воедно доби дрес, шорцеви од македонскиот напаѓач. Исто така ги посети клупските простории, имаше незаборавни моменти со нашиот играч.
– Ти стана како фудбалер, подготвен си за натпревар – беа зборовите на Јаховиќ упатени кон младиот Фуркан.
Јаховиќ (33) претходно во кариерата ги бранеше боите на Сараево, Вил, Цирих, Ворскла, Крилја Совјетов, Гезтепе, Коњаспор и Јени Малатјаспор.
❤️? Sevgi engel tanımaz!
Futbolcumuz Adis Jahovic, #3AralıkDünyaEngellilerGünü'nde küçük hayranı Furkan Tez ile bir araya geldi.
Videonun tamamı için ?? https://t.co/5JUVaHRGKK#FraportTAVAntalyaspor pic.twitter.com/JERiELvPox
— Fraport TAV Antalyaspor (@Antalyaspor) December 3, 2020