20 C
Скопје

ВИДЕО| Локвенец: Кога не работи сигнализацијата, возот запира, кондуктерот излегува и го стопира патниот сообраќај

На четврти јануари започна тендерската процедура за првите две секции за источното крило од Коридорот 8, тоа е од Куманово до Бељаковце и од Бељаковце до Крива Паланка. Отпочната е предквалификационата фаза и во овој момент очекуваме одобрение од банката за да продолжиме во следната фаза во која ги очекуваме понудите на компаниите кои се квалификуваа. Кон овој проблем постапуваме максимално систематски со тоа што се обидуваме да ги пресретнеме и да ги решиме уште пред почетокиот на градбата детектираните проблематични точки кои биле причина за застој на работата, рече денеска во Утрински брифинг директорот на ЈП Македонски железници-инфраструктира, Хари Локвенец.

-Експропријацијата е еден од проблемите со кој се соочуваат сите инфраструктурни проекти, а друг проблем се археолошките локалитети кои се појавуваат при ископување на трасата. Финансиите овој пат не претставуваат проблем, бидејќи се обезбедни за првите две фази, преку Европската банка за обнова и развој. За третата фаза од Крива Паланка до границата со Бугарија определено е финансирањето од ЕБОР и Европската инвестициона банка. Не станува збор само за буџетски средства туку и за европски грантови кои ги имаме добиено и кои очекуваме да ги добиеме следниот период, нагласи Локвенец.

Тој апелираше до граѓаните да не ја уништуваат сигнализацијата на железничките премини.

-Имаме обезбедено средства за реконструкција на 20 патни премини, основна сигнализација и телекомуникациска опрема, а се работи и на 40 премини на горниот строј на пругата. Сепак, на премините каде не работи сигнализацијата, возот запира, кондуктерот излегува од возот и го стопира патниот сообраќај, а потоа возот продолжува да вози, објаснува Локвенец.

Поврзани вести

Охридско Езеро и Студенчишко Блато номинирани како трето и најголемо Рамсар место во државата

Слободен печат

Шкотската премиерка: Нов референдум за независност ќе има кога ќе дојде време

Слободен печат

УХМР со временска прогноза до вторник

Слободен печат

ВИДЕО | Необична појава во центарот на Солун: Дива свиња се прошета на главниот плоштад

Слободен печат

Курти нема да бара гаранции за поранешните водачи на ОВК

Слободен печат

Забрчанец: Медиумите дадоа сериозен придонес во спасување човечки животи, но неопходна е кампања за едукација за вакцините

Слободен печат

Остави Коментар