ВИДЕО | Локализиран пожарот во Ѓорче Петров, очевидци вознемирено сведочеа за големиот пламен
Пожарникарите го изгасија пожарот во Ѓорче Петров, кој претпладнево изби во близина на Домот на културата. Полициски и противпожарни екипи со брза реакција излегоа веднаш на самото место.
Според МВР пожарот е пријавен во 10.41 часот, откако првично избувнал во казино. Додека траеше гаснењето на пожарот, сообраќајот на главната улица „Ѓорче Петров“ се пренасочуваше кај околните сообраќајници.
Претходно, градоначалникот на општината Александар Стојкоски информираше дека нема човечки жртви во пожарот.
На опожареното местото беа присутни и очевидци од околината, кои пред камерата на „Сободен печат“ сведочеа за опожарените објекти.
– Најпрвин видовме пламен, а потоа веднаш побаравме помош од надлежните. Противпожарната единица реагираше брзо, а дел од вработените во деловните објекти беа веднаш евакуирани, изјави еден од анкетираните граѓани.