Екипата на Ливерпул славеше победа од 2:0 во дербито на 13. коло во Премиер лигата.

По само 12 минути Коди Гакпо го доведе домашниот тим во предност и тоа откако неколку минути претходно Ван Дајк ја погоди стативата.

Доминираше Ливерпуил и создаваше прилики, додека гостите ретко ја поминуваа средината на теренот. Сепак и покрај големиот број прилики на пауза избраниците на Арне Слот имаа само еден гол предност.

Како што заврши првото полувреме, така продолжи второто, се редеа шанси пред голот на Едерсон, но конечните 2:0 ги постави Салах со гол од пенал во 78. минути.

По овој триум Ливерпул со 35 бода на табелата има девет бода повеќе од Арсенал и Челси и дури 11 од Манчестер Сити 9 Брајтон. Манчестер сити од друга страна и седми натпревар во низа во сите натпреварувања остана без победа, а посебно „граѓаните“ треба да ги загрижува тоа што во тие седум натпревари имаат шест порази.