ВИДЕО: Ливерпул не го искористи киксот на Тотенхем!
Ливерпул ги разочара своите фанови играјќи реми против Фулам на гостински терен со резултат 1:1 во 12 коло од Премиер лигата.
После првото полувреме водеа домаќините со голот на Рид во 25 минута кој со еден прекрасен удар ја испрати топката во мрежата на Алисон за голема радост кај фановите кои полека, но сигурно се враќаат на трибините.
Редси успеаја само да дојдат до бод во Лондон, во вториот дел Салах беше прецизен од белата точка во 79 минута, откако претходно Камара играше со рака во казнетиот простор.
На табелата Тотенхем кој иако денеска одигра само нерешено (1:1) кај Кристал Палас останува на врвот со 25 бодови, колку што има и второпласираниот Ливерпул, но „црвените“ имаат послаба гол-разлика.
А во наредното коло токму овие две екипи, Ливерпул и Тотенхем, ќе ги одмерат силите на „Енфилд“ на 16 декември.