ВИДЕО | Литовски: Крсте Црвенковски е онаа златна генерација на македонската државност

Александар Литовски/Фото: Слободен печат

Минатата година се навршија 100 години од раѓањето на Крсте Црвенковски, еден од најголемите македонски политичари и дисиденти, но поради пандемијата вчера беше одбележана оваа годишнина со расправа во МАНУ.

-Кристе Црвенковски е онаа златна генерација на македонската државност, бидејќи тоа се луѓето кои што ја конституираа македонската држава и ги поставија сите оние институции, државни и национални, за една држава да може да се нарече држава и една нација да може да се нарече нација. Тоа е периодот 1945-1991 година, и секако Крсте Црвенковски е еден од тројца-четворица највисоки личности и е еден од најзаслужните за оваа држава како што ја знаеме сега, рече историчарот Александар Литовски во гостувањето во Утрински брифинг.

Според Литовски, Крсте Црвенковски е човек кој влезе во движењето на либирализам во СФРЈ, залагајќи се за поголема самостојност на републиките во рамките на федерацијата и поради тоа бил прогонет.

-Во таа смисла тој е малку обработен. Веројатно во други држави, за такви врвни личности, како што е Крсте Црвенковски, Колишевски, Мито Хаџи-Василев, ќе се обрне повеќе внимание и тие се личностите кои ја правеле оваа држава, вели Литовски.

Тој се осврна и на вчерашното апсење на пејачот Ламбе Алабакоски за сторено кривично дело – палење на Центарот за култура Иван Михајлов во Битола.

-Изненадување е што Ламбе Алабаковски го запали центарот Ванчо Михајлов. Кај нас е проблемот што се се партизира. Во јавноста се прави фама што едните бранат, а другите напаѓаат. Многу веројатно е дека нашите служби и нашите државни институции не работат. Тука мислам пред се на нашите безбедносни служби, разузнавање и контраразузнавање, како и на македонската дипломатија. Целиот процес со Бугарија, како и претходно со Грција се води аматерски, вели Литовски и додава дека вакви работи се недозволиви да се случуваат.

-Отворањето на вакви клубови се типични провокации, смета Литовски.

Целиот разговор погледнете го во видеото:

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот