ВИДЕО: Лил е најголемата европска сензација, не беше ни во топ 3 фаворити!
Фудбалерите на Лил приредија големо изненадување, освојувајќи ја шампионската титула во француската „Лига 1“..
Составот на Галтие славеше на гостувањето кај Анжер со 1:2, а најголемиот конкурент ПСЖ беше успешен кај Брест (0:2). На конечната табела Лил ја освои првата позиција со 83 бодови, еден повеќе од второпласираниот ПСЖ, а на третата позиција заврши Монако (78).
Пред почетокот на сезоната во најсилното француско првенство Лил според обложувалниците беше четврти фаворит за освојување на титулата со квота 51,00, а истата ја имаа уште Монако и Рен.
ПСЖ дефинитивно можеби се очекуваше и сезонава да ја продолжи доминацијата во шампионатот, со најниска квота (1,10), пред Лион (26,00) и Марсеј (31,00).
Но, повторно запре доминацијата на париските „светци“ кои во последните девет години вкупно седумпати беа шампиони на Франција.