ВИДЕО: Леванте во криза, Барди одигра едно полувреме во меч со осум голови
Денеска во рамките од 10 коло во најсилното шпанско првенство составот на Леванте загуби на гостувањето кај Севиља со резултат 5:3.
Во меч исполнет со дури осум голови македонскиот репрезентативец Енис Барди го одигра целото второ полувреме.
Водеа домаќините со погодоците на Торес и Мир после скоро 25 минути игра, па намали Моралес во 33 минута, а пауза се замина со 3:1 после голот на Диего Карлос.
На стартот од вториот дел Севиља преку Ел Хадади зголеми на 4:1, потоа за период од седум минути Леванте ја врати неизвесноста на средбата кога стрелаа Моралес и Мелеро.
Во 64 минута конечниот епилог го постави Режес за шести триумф сезонава во „Ла Лига“ и моментно прво место со 20 бодови колку што има и Реал Сосиедад на втората позиција.
Леванте и натаму не знае за победа сезонава и се наоѓа на претпоследното 19 место со пет бодови.