Сезоната во Бундеслигата заврши на неверојатен начин, со соборување на рекордот на Герд Милер од страна на Роберт Левандовски.
Со одигрување на натпреварите од 34 коло, денеска заврши сезоната во Бундеслигата, Баерн Минхен ја одбрани титулата, во Лигата на шампионите покрај баварците ќе играат и Лајпциг, Борусија Дортмунд и Волфсбург. Во Лигата на Европа одат Ајнтрахт и Баер Леверкузен додека Унион Берлин ќе игра во Конференциската лига. Од Бундеслигата покрај Шалке испадна и Вердер, а Келн ќе игра во баражот.

Баерн Минхен со убедлив триумф од 5:2 над Аугсбург ја заврши сезоната во која ја освои титулата, а Роберт Левандовски се обидуваше да го собори рекордот на Герд Милер од 1972 година. Во пресрет на последното коло, Милер и Левандовски беа израмнети со по 40 постигнати голови во една сезона. Денеска Полјакот се обидуваше да  дојде до 41.гол во една сезона и да го собори рекордот на Милер и успеа во таа намера во последната минута од натпреварот.
Финишот на натпреварот го одбележа и излегувањето од игра на Давид Алаба кој по 13 години поминати во Баерн си заминува од тимот и тој не можеше да ги сокрие емоциите.

Освен натпреварот на Баерн, најголемо внимание предизвика и битката за опстанок која ја водеа Арминија, Вердер и Келн.
Вердер на домашен терен загуби од Борусија Менхенгладбах со 2:4 по што единствена надеж му беше веќе отпишаниот Шалке да му откине бод на Келн. Но, Келн со голот на Борнау во 85 минута успеа да се спаси од испаѓање и ќе игра во баражот за опстанок.
Вердер како препоследен му се придружи на Шалке во Цвајта, додека Арминија која со 0:2 славеше над Штутгарт и сезоната ја заврши на безбедното 15 место на табелата.

Резултати:
Баерн Минхен – Аугсбург 5:2
Борусија Дортмунс – Баер Л. 3:1
Ајнтрахт – Франбург 3:1
Келн – Шалке 1:0
Хофенхајм – Херта 2:1
Штутгарт – Арминија 0:2
Унион Берлин – Лајпциг 2:1
Вердер – Борусија М. 2:4
Волфсбург – Мајнц 2:3