ВИДЕО: Лајпциг немаше милост, шест гола во мрежата на Херта

Лајпциг ја оствари најубедливата победа во шестото коло во Бундеслигата/ фото: EPA-EFE/FILIP SINGER

 Фудбалерите на Лајпциг ја остварија најубедливата победа во шестото коло во Бундеслигата совладувајќи ја Херта со убедливи 6:0.

Лајпциг по заминувањето на Јулијан Нагелсман од клупата и доаѓањето на Џеси Марч на негово место, не ја започна добро сезоната, забележа три порази во првите пет кола, но денеска на убедлив начин ја прекина лошата серија.

Уште во првото полувреме Лајпциг ги реши дилемите околу победникот со головите на Нкунку во 16., Полсен во 23. и на Мукиеле во 45. минута. Во второто полувреме постигнаа уште три гола преку Форсберг, Нкунку и Хаидара.

Предноста на домашен терен ја искористи Баер Леверкузен кој со голот на Вирц во 62 минута го совлада Мајнц и ја забележа четвртата победа во Бундеслигата.

Екипата на Волфсбург загуби на гостувањето кај Хофенхајм и со тоа ја загуби и втората позиција на табелата.


Резултати:
Баер Л. – Мајнц 1:0
Ајнтрахт – Келн 1:1
Хофенхајм – Волфсбург 3:1
Лајпциг – Херта 6:0
Унион Берлин – Арминија 1:0

Видео на денот