ВИДЕО: Лацио го понижи Милан на „Олимпико“, на Наполи му се насмевнува Скудетото
Дефинитивно најголем добитник на 19 коло во Серија А е Наполи на македонскиот репрезентативец Елиф Елмас, на половина од сезоната има 12 бодови предност пред второпласираниот, шампионот од минатата сезона Милан.
„Росонерите“ кога е најмалку потребно веќе три натпревари не знаат за победа, на „Олимпико“ убедливо беа поразени со 4:0 од Лацио.
Римските „небесносини“ уште во четвртата минута стекнаа позиција преку Милинковиќ-Савиќ. Во 38 минута предноста ја згоеми Ѕакањи, потоа во 67 минута Луис Алберто беше прецизен од пенал, а конечниот епилог го постави Фелипе Андерсон во 75 минута.
За „наполитанците“ добредојден беше и киксот на Интер кој загуби од Емполи, како и одземањето на 15 бодови на Јувентус поради финансиските малверзации.
Поради сето тоа составот на Лучано Спалети е на врвот во најсилното италијанско првенство со 50 бодови, пред Милан со 38, додека Лацио после 11 победа сезонава е на третото место со 37 колку што имаат и Интер и Рома на четвртата, односно петтата позиција.