ВИДЕО: Куман едвај го напушти „Камп Ноу“, навивачите го опколија, му викаа да си поднесе оставка

Холандскиот стратег Роналд Куман и натаму под силен притисок поради лошите резултати сезонава/Фото: EPA-EFE/Enric Fontcuberta

Реал Мадрид денеска ја совлада Барселона со 2:1 во првото сезонско „Ел Класико“ одиграно во 10 коло од шпанската „Ла Лига“.

Давид Алаба и Лукас Васкез погодија за мадридскиот клуб, а поразот на Барса го ублажи Серхио Агуеро.

Тренерот на Барселона, Роналд Куман и понатаму трпи силни критики, а навивачите бараат тој што поскоро да си замине од клупата. Ова се виде и по натпреварот, навивачите го чекаа цел час пред стадионот.

Кога излезе неговиот автомобил, фановите на каталонскиот клуб го опколија и се обидоа физички да се пресметаат со него. Му викаа да поднесе оставка и да си замине од Барса.

Претседателот на клубот, Жоан Лапорта пред денешниот меч кажа дека Барселона ќе го задржи холандскиот стратег без разлика на резултатот во дербито.