Во првиот натпревар од групата „Г“ од квалификациите за ЕП 2024 денеска репрезентацијата на Црна Гора со 0:1 славеше над Бугарија.

Стрелец на единствениот гол на стадионот „Хуверфарм“ во Разград беше Крстовиќ во 70 минута од мечот.

Голгетерот на Дунајска Стреда, кој сезонава постигна 23 гола на 29 меча, на овој дуел ги оправда очекувањата, постигнувајќи го својот прв гол за најдобрата репрезентација на Црна Гора.

Во истата група вечерва од 20.45 часот селекцијата на Србија е домаќин на Литванија.

На 27 март во Подгорица Црногорците ќе ги пречекаат Србите, а Унгарија во Будимпешта ќе се сретне со Бугарија.