ВИДЕО | Крос: Сигурни ли сте дека тоа е Серхио Агуеро?
Фудбалскиот клуб Манчестер сити му ја претстави статуата на еден од најдобрите играчи во својата историја, а местото пред стадионот го доби Серхио Агуеро во карактеристична поза.
Во чест на неговиот гол, со кој на клубот му ја донесе титулата во Премиер лигата пред точно една деценија, „Граѓаните“ се обидоа да прикажат детал во кој Аргентинецот го прославува голот против Квинс Парк Ренџерс.
На прв поглед многумина помислија дека тоа не е аргентинскиот напаѓач кој со години го носеше дресот на англискиот тим, туку Тони Крос! Дури и играчот од средниот ред на Реал Мадрид се огласи преку социјалните мрежи.
„Сигурно?“ – на Твитер напиша Германецот познат по одличната смисла за хумор и честите разговори со фановите на оваа социјална мрежа.
Sure? https://t.co/m7M0Owc9q9
— Toni Kroos (@ToniKroos) May 13, 2022
Ситуацијата е уште поинтересна кога ќе се има предвид дека Крос играше за Реал на дуелот со кој заврши европската сезона на Сити.
Иако имаа гол предност од првиот меч и водство во Мадрид, играчите на Пеп Гвардиола примија два гола за една минута, а потоа и третиот во продолжението и поради него не се пласираа во финалето на Лигата на шампионите.