Борусија Дортмунд продолжуба со слабите игри сезонава и овој пат не успеа да го совлада Хофенхајм играјќи 2:2, а ремито ги остави на шестата позиција на табелата.
Борусија подобро го отвори натпреварот и со голот на Џејдон Санчо во 24. минута поведе 1:0. Хофенхајм возврати со два гола, првиот на Дабур во 31. минута за израмнување, а вториот на Бебу во 51. минута им донесе водство и најави нов разочарувачки резултат за „милионерите“. Во финишот, во 81. минута Борусија се спаси од пораз благодарение на голот на Ерлинг Халанд.

Баер Леверкузен одигра 2:2 на домашен терен против Мајнц но го задржа четвртото место на табелата со 36. бода, барем до утре кога Ајнтрахт има шанса да ги помине.
Домашните фудбалери беа многу блиску до победата, до 89. минута имаа водство од 2:0 со головите на Аларио и Шик, но во финишот Мајнц успеа да се спаси од пораз.
Прво Глатцел намали на 2:1, А Штогер во 92. минута ги остави домаќините без победа.

Резултати:
Баер Леверкузен – Мајнц 2:2
Борусија Дортмунд – Хофенхајм 2:2
Штутгарт – Херта 1:1
Вердер – Фрајбург 0:0