Кремонезе сезонава е најголемото изненадување во Италија, поточно во Купот каде што стигна до полуфиналето кое ќе го игра во април против Фиорентина.

Играчите предводени од тренерот Давиде Балардини елиминираа врвни екипи во куп натпреварувањето како Рома и Наполи на македонскиот репрезентативец Елиф Елмас.

Но, во Серија А од стартот на сезоната клубот од Кремона не знае за победа и е најголем кандидат за испаѓање од лигата.

Претрпеа нов пораз овојпат во рамките од 21 коло од составот на Лече кој славеше со резултат 0:2. Стрелци на головите беа Баскирото во 58 и Стрефеца во 69 минута.

На табелата Лече е на 14 позиција со 23 бодови, колку што има и Јувентус на 12 место, додека Кремонезе е на последното 20 место со осум бодови, 10 помалку од Специја на 17 место која е во безбедната зона.