ВИДЕО: Кралицата им постави прашање на лидерите на Г-7, па сите почнаа да се смеат
Британската кралица Елизабета која синоќа приреди прием во чест на лидерите на Г-7, ги насмеа присутните кога на шега при позирање за заедничката фотографија ги праша дали треба да „изгледаат како да уживаат“.
Велика Британија е домаќин на самитот на лидерите на Г-7, која, како што наведува Дејли мејл, настојува кралски да ги шармира своите гости на приемот во Корнвол.
Како што се додава, природната духовитост на 95-годишната кралица изгледа дека веќе ги придоби лидерите кога за време на позирањето ги праша: „Треба да изгледате како да уживате?“
Кога лидерите почнаа да се смеат, британскиот премиер Борис Џонсон на шега и одговори: „Уживаме, и покрај изгледот“.
Приемот за светските лидери е прв поголем јавен настан на кој присуствуваше кралицата од смртта на сопругот, принцот Филип во април.