ВИДЕО: Крај за Адеми и Ристовски, Јунајтед за финале против Рома!
Вечерва ги дознавме сите учесници во полуфиналето на Лига Европа, тие се Рома, Манчестер јунајтед, Арсенал и Виљареал.
Рома триумфираше на првиот меч како гостин против Ајакс (2:1), а денеска на стадионот „Олимпико“на реванш четвртфиналниот дуел немаше победник (1:1).
Холанѓаните поведоа со голот на Броби во 49 минута, а за погодокот за римската „волчица“ го реализираше Џеко (72`).
Манчестер јунајтед со ист резултат 2:0 триумфираше и на „Олд Трафорд“ против Гранада, новиот триумф за „црвените ѓаволи“ беше запишан преку Кавани во шестата минута, а во финишот автогол си постигна Ваљехо.
По првите 90 минути Арсенал се наоѓаше во незгодна позиција поради нерешените 1:1 против Славија Прага, но играчите на Микел Артета не дозволија никакво изненадување и славеа во Чешка со убедливи 0:4.
Лаказет двапати се запиша во листата на стрелците (21`, 77`), а по еднаш Пепе (18`) кој ја стартуваше гол-серијата и Сака (24`).
Динамо Загреб после поразот на домашен терен од 0:1 против Виљареал, немаше друга опција освен анулирање на негативата во Шпанија, но „модрите“ не ја остварија целта и претрпеа уште еден пораз, овојпат со резултат 2:1. За домаќините погодоците беа дело на Алкасер и Морено, додека за хрватскиот претставник стрелаше Оршиќ.
Македонските репрезентативци за Динамо Загреб беа стартери, Аријан Адеми настапи до 82 минута кога беше заменет од Мишиќ, а Стефан Ристовски играше до 62 минута кога на негово место во игра влезе Стојановиќ.
Лига Европа 2020/2021
Полуфинале, двојки –
(29 април/6 мај 2021 год.)
Манчестер јунајтед – Рома
Виљареал – Арсенал