Апсолутно нема потреба од отвoрање или измени на Уставот во овој момент, во таа смисла тоа значи дека апсолутно отфрлено е укажувањето на една политичка партија. Во однос на резолуцијата која што преку вас медиумите се информиравме дека ВМРО – ДПМНЕ ќе ја поднесува апсолутно се уште нема правно – формално ништо доставено до Собрание, до пратениците, изјави во УБ пратеникот од редовите на СДСМ и портпарол на партијата, Костадин Костадинов.

-Од она што можевме да го видиме преку медиумите во делот на текстот за нас е прифатлив. Иако за нас ставовите се веќе познати и за домашната и за меѓународната јавност дека црвените линии се јасно поставени. Разговори околу македонскиот идентитет и македонскиот јазик немало, нема ниту ќе имаво иднина, вели Костадинов.

-Дополнително доколку на Христијан Мицкоски и на ВМРО – ДПМНЕ им треба некаква гаранција нека го достават предлогот во Собрание секако согласно Уставот ние ќе ја прифатиме, тоа е нашиот став… Ќе повторам во НАТО влеговме како Македонци, кои што зборуваат македонски јазик, тоа ќе биде исто и со ЕУ, додаде Костадинов.

Интегралниот разговор со Костадинов погледнете го во видеото: